ماذا يحدث الآن فى مصر ؟
خلونا نتكلم بصراحة ونقول ان فعلا ضباط الشرطة اما مش فاهمين ان الدنيا اتغيرت او مش عارفين يتكيفوا مع الواقع بتاع التغيير
بالامس يقتل سائق ميكروباص على يد بعض رجال الشرطة واليوم يطلق الرصاص على سائق توك توك فى بطنه ويسب بامه فى وسط الشارع ، وبكره مش عارفين ايه اللى هيحصل
العيسوى اما نايم فى بيتهم او بيطبطب على الشرطة مش عارفين ليه ؟ يبدو انه خايف من حاجة او ما عندوش خبرة فى ادارة الوزارة ويبقى الحل الوحيد انه يستقيل
الشرطة فى خدمة المواطن ويجب ان يفهم ضابط الشرطة هذا جيدا وينتهج نهجا مختلفا تماما عن ما كان يحدث من قبل ، واللى مش قادر يفهم نفهمه بالعقاب واللى مش عايز يفهم يغور فى داهية غير مأسوف عليه .. لو نفذنا هذه السياسة بجرأة وقوة ليست متوفرة فى وزير الداخلية الحالى فسوف نصل الى غايتنا بسرعة فى كيفية تعليم ضابط الشرطة واجباته والاسلوب الامثل الذى يجب ان ينتهجه فى التعامل مع المواطن ايا كان مركزه او صفته
شغل الطبطبة ده يا جماعة مش هينفع .. الضابط اللى مش عايز يشتغل يروح على بيتهم ويقطع عنه راتبه ويبقى يورينا بقى هياكل منين ، مش كل الناس وحشين ومش كل الشرطة برضه وحشين ، ولكن احنا بنتكلم على احترامنا لبعض .. للاسف الشرطة مش عارفه ازاى تحترم المواطن . واللى ما يحترمش المواطن يبقى لازم يتعاقب عقاب شديد ورادع ليكون عبرة لمن يعتبر
No comments:
Post a Comment